28 снежня, прысуд у справе кіраўніка Аб’яднанай грамадзянскай партыі, сябры асноўнага складу Каардынацыйнай рады Мікалая Казлова набыў моц. Палітык пачаў адбываць 3-месячны арышт.
Мікалая Казлова асудзілі на тры месяцы арышту за разгалошванне дадзеных следства па справе Каардынацыйнай рады. 28 снежня прысуд набыў моц і Мікалай пачаў адбываць прызначаны судом тэрмін.
Паводле АГП, сябра Каардынацыйнай рады сам прыйшоў у Цэнтральнае РУУС.
«Гэта крымінальная справа, у якой адсутнічае крымінал. Наогул. Прысуд заснаваны на глыбакадумных намёках, а не якіх-небудзь фактах. Гэта яшчэ адзін ганебны прысуд. Я не збіраюся нікуды зʼязджаць, не збіраюся пакідаць сваю краіну. Прайду гэты шлях разам з беларусамі», – кажа Мікалай Казлоў.
Адвакаты палітыка склалі апеляцыю, аднак суд пакінуў прысуд у сіле. Наступную скаргу разгледзець не паспелі, але гэта не перашкодзіла накіраваць палітыка адбываць пакаранне.
ЛК belsat.eu