У Менску двое падлеткаў праваліліся пад лёд на канале Сляпянскай воднай сістэмы, іх удалося выратаваць. Гэта здарылася на вуліцы Райніса, паведамляе прэс-служба МНС.
Супрацоўнікі МНС разам з патрульнымі міліцыянерамі дасталі аднаго падлетка з палонкі за 10 метраў ад берага. У яго было пераахаладжэнне.
Другога падлетка знайшлі ўжо пад вадой, ён быў без прытомнасці і ў стане пасля ўтаплення. Работнікі хуткай дапамогі змаглі прывесці яго ў прытомнасць. Цяпер абодва падлеткі шпіталізаваны.
Алена Рувіна belsat.eu