Украінскія вайскоўцы атрымалі ад Польшчы 18 сучасных самаходных гаўбіц «Krab», паведамляе polskieradio24.
Таксама польскія адмыслоўцы падрыхтавалі сто ўкраінскіх артылерыстаў для працы з гэтай тэхнікай.
Дзякуючы польскай дапамозе ўкраінцы цяпер маюць прынамсі 24 заходнія самаходныя гаўбіцы. Раней Францыя ахвяравала 6 адзінак падобнага ўзбраення пад назвай «Цэзар».
У сваю чаргу Нямеччына і Нідэрланды заявілі, што таксама перададуць 12 штук, але ў Берліне тлумачаць, што экіпажы для эксплуатацыі іх «Panzerhaubitzen 2000» яшчэ праходзяць рыхтаванне, і дата экспарту тэхнікі ва Украіну пакуль невядомая.
Марыя Мурашка, belsat.eu