Як паведамляе «Радыё Свабода», пасля сваёй прамовы Джо Байдэн сустрэўся са Святланай Ціханоўскай. Падрабязнасцяў пакуль няма.
Пасля заканчэння прамовы Джо Байдэна, зробленай каля Віленскага ўніверсітэту, каманда прэзідэнта Злучаных Штатаў Амерыкі праводзіла Святлану Ціханоўскую ў памяшканне на сустрэчу з амерыканскім лідарам.
Святлана Ціханоўская разам са сваім дарадцам Франакам Вячоркам прысутнічала на трыбуне сярод першых асобаў Літвы: прэзідэнта Гітанаса Науседы, прэм’ер-міністаркі Інгрыды Шыманіце, міністраў літоўскага ўраду, чальцоў Сейма, віленскага архіепіскапа Гінтараса Грушаса і іншых.
Як вядома, у сваёй прамове Джо Байдэн згадаў таксама і Беларусь, заклікаўшы працягваць змагацца і нагадваць свету пра надзею.
Падрабязнасцяў сустрэчы пакуль няма.
Раман Шавель belsat.eu
