У першым выданні расейскага часопісу «Разведчик» службы знешняй выведкі РФ распавядаецца пра колькасць супрацоўнікаў беларускага КДБ, ягоную гісторыю і структуру. Таксама ў матэрыяле прыведзены факты біяграфіі старшыні Івана Церцеля.
«Агульная колькасць супрацоўнікаў КДБ Рэспублікі Беларусь не перавышае 10 000 чалавек», – паведамляецца ў матэрыяле, а на пачатак 2022 года камітэт падтрымліваў кантакт з 46 замежнымі спецслужбамі.
У артыкуле пералічаны і асноўныя структурныя падраздзяленні КДБ:
- Галоўнае ўпраўленне контрразведкі;
- Галоўнае ўпраўленне знешняй разведкі;
- Галоўнае ўпраўленне па барацьбе з карупцыяй і арганізаванаю злачыннасцю;
- Галоўнае ўпраўленне па барацьбе з тэрарызмам і экстрэмізмам;
- Упраўленне міжнароднага супрацоўніцтва;
- Тэрытарыяльныя падраздзяленні (шэсць упраўленняў па вобласцях).
Акрамя таго, у артыкуле, які прысвечаны беларускаму КДБ, адзначаецца, што разам з расейскай выведкаю яны наладзілі супрацу па «выяўленні і спыненні падрыўной дзейнасці Захаду, бяспекі ў інфармацыйнай сферы і барацьбе з гібрыднымі пагрозамі».
Алена Рувіна belsat.eu
