Праваабарончая супольнасць адзначае, што ў Беларусі грамадска-палітычны крызіс паглыбляецца. Сілавікі працягваюць палітычны пераслед грамадзянаў краіны ў тым ліку і за антываенныя выступы.
На 1 кастрычніка ў месцах зняволення, паводле праваабаронцаў, 1324 палітвязні, за верасень колькасць палітвязняў вырасла на 44.
Увогуле ў верасні сілавікі схапілі 413 асобаў паводле палітычных матываў. Пры гэтым праваабаронцы акцэнтуюць увагу, што вядзецца толькі пра вядомыя выпадкі пераследу. За першы месяц восені ў судах разгледзелі 237 адміністратыўных справаў за палітычныя погляды і вядома пра накладзеныя не менш за 35 штрафаў і не менш за 46 адміністратыўных арыштаў.
Працягваецца ціск на журналістаў, адвакатаў, прадпрымальнікаў. Сілавікі ўжываюць гвалт і катаванні падчас расследавання справаў, катуюць людзей у месцах зняволення. Агулам палітычны пераслед ацэньваецца як злачынствы супраць чалавечнасці.
Алена Аляксандрава belsat.eu