Паветраную трывогу ў Кіеве і Кіеўскай вобласці абвесцілі пасля другой гадзіны ночы. Улады паведамілі, што Расея атакавала сталічны рэгіён Украіны іранскімі беспілотнікамі. Усе яны былі збітыя.
Кіеў быў атакаваны дронамі ўпершыню за 12 дзён, паведамляецца ў Telegram-канале гарадской вайсковай адміністрацыі:
«Гэтым разам вораг выкарыстаў беспілотныя лятальныя апараты, паводле папярэдняй інфармацыі – «Shahed». Сіламі і сродкамі нашай СПА ўсе варожыя цэлі ў паветранай прасторы каля Кіева былі выяўленыя ды знішчаныя».
Пра пацярпелых і пра разбурэнні на зямлі інфармацыі няма. Колькі было дронаў, пакуль не ўдакладняецца.
Паветраную трывогу ў Кіеве і Кіеўскай вобласці абвесцілі пасля другой гадзіны ночы і скасавалі праз паўгадзіны. Зараз расейскія войскі, імаверна, распачалі новую атаку, зноў абвешчаная трывога.
«У паветры 7 самалётаў Ту-22м3. Існуе пагроза пускаў», – напісаў Telegram-канал «Инсайдер UA».
Сяргей Крот belsat.eu
