На ўсходзе Францыі ў мясцовасці Шапанэ 10 сакавіка ў кабіне грузавога аўта знайшлі памерлага кіроўцу. Ён аказаўся грамадзянінам Беларусі, паведамляе выданне «Le Progres».
Аўтамабіль быў прыпаркаваны. Кіроўцу спрабавалі рэанімаваць, аднак не атрымалася. У выніку медыкі канстатавалі смерць.
З папярэдняй інфармацыі, пашкоджанняў, слядоў гвалтоўнай смерці ці датычнасці да здарэння трэціх асобаў на целе мужчыны няма. Дзеля высвятлення таго, што адбылося, распачатае расследаванне, паведамляе пракуратура Ліёну.
Марыя Міхалевіч belsat.eu
