Трамп дабраўся да «Apple». Кампанія абяцае інвеставаць $ 500 млрд у ЗША

Кампанія «Apple» заявіла, што ў найбліжэйшыя чатыры гады выдаткуе $ 500 млрд на інвестыцыі ў ЗША, у тым ліку ў будаванне гіганцкай фабрыкі ў Тэхасе для вытворчасці сервераў для штучнага інтэлекту, а таксама створыць каля 20 тысяч працоўных месцаў у сферы даследаванняў і распрацоўванняў па ўсёй краіне за гэты час. Гэта адбылося пасля сустрэчы кіраўніка кампаніі з прэзідэнтам ЗША Доналдам Трампам. Пра гэта паведамляе «Reuters».