Нацыянальны статыстычны камітэт Беларусі падзяліўся звесткамі адносна стану беларускай эканомікі за першыя месяцы 2025 года. Станоўчага для ўладаў краіны ў гэтай статыстыцы мала.
«Цэны не для слабых нерваў». Што беларусы кажуць пра гародніну ў крамах і на рынках
Па выніках студзеня–траўня прамысловая вытворчасць вырасла на 1 % і склала Br 85,26 млрд у бягучых цэнах. Для параўнання ў студзені–красавіку прырост складаў 1,4 %, а ў студзені – 2,9 %.
Складскія запасы ў прамысловасці на 1 чэрвеня склалі Br 11,55 млрд рублёў. Яны павялічыліся за месяц на Br 385,6 млн. Узровень запасаў за пяць месяцаў склаў 83,2 % ад сярэднямесячнага аб'ёму вытворчасці. За месяц ён вырас на 3,4 працэнтныя пункты.
Рост прыбытку арганізацыяў амаль спыніўся
Чысты прыбытак арганізацыяў вырас на 0,6 % у студзені–красавіку, або Br 7,02 млрд.
У красавіку выручка перавысіла Br 42,2 млрд, што на Br 1,6 млрд менш, чым у сакавіку. Сабекошт рэалізаванай прадукцыі вырас на 10,5 % да Br 136,18 млрд.
Рэнтабельнасць продажаў склала 6,6 %, што на 0,2 працэнтныя пункты менш, чым за аналагічны перыяд мінулага года.
Стратнымі ў студзені–красавіку былі 1722 арганізацыі, што на 15,6 % больш, чым за такі ж перыяд мінулага года.
Дэбіторская запазычанасць на 1 траўня склала Br 93,4 млрд, павялічыўшыся з пачатку года на 4,9 %. Абʼём крэдыторскай запазычанасці вырас на 5,6 % да Br 111,09 млрд. Пазыкі ў крэдытах і пазыках з пачатку года скараціліся на 0,9% да 137,5 млрд рублёў.
Тавараабарот таксама скарачаецца
Раздробны тавараабарот за студзень–травень вырас на 9,3 % і склаў Br 39,7 млрд. Аднадзённы рознічны тавараабарот у разліку на душу насельніцтва за той жа перыяд павялічыўся з Br 25,3 да Br 28,8. Пры гэтым другі месяц запар фіксуецца запаволенне росту раздробнага тавараабароту. У студзені 2025-га рост складаў 12,5%, студзені – лютым – 10%, студзені – сакавіку – 10,8%, студзені – красавіку – 10%.
Абарот аптовага гандлю за пяць месяцаў скараціўся на 4,7% да 72,2 млрд рублёў. У грамадскім харчаванні захоўваецца рост. Па выніках студзеня–траўня яго абарот павялічыўся на 5% да 2,8 млрд рублёў.
Што ў Беларусі расце, дык гэта цэны. Гадавая інфляцыя ў Беларусі склала 7,1 % у траўні пасля 6,5 % у красавіку. Найбольш прыкметна інфляцыя паскорылася ў харчовых таварах (9,5 % у траўні пасля 8,3 % у красавіку). Кансэнсусны прагноз эканамістаў – інфляцыя сёлета будзе каля 7–9 %, максімум каля 10 %. Але калі інфляцыя будзе набліжацца да 10 %, то ўлады могуць узмацніць цэнавае рэгуляванне.
Якуб Хруст belsat.eu
