Міністр замежных спраў Беларусі Максім Рыжанкоў сустрэўся з амбасадарам Ірану Алірэзай Санеі 16 чэрвеня, паведамляе МЗС Беларусі.
МЗС Беларусі расказвае, што падчас гутаркі Максім Рыжанкоў і Алірэза Санеі «разгледзелі бягучае развіццё двухбаковага і шматбаковага парадку дня, асаблівую ўвагу надаўшы бягучай сітуацыі вакол новага вітка эскалацыі паміж Ізраілем і Іранам».
Рыжанкоў заявіў, што дыялог і перамовы з'яўляюцца адзіным спосабам вырашэння любога канфлікту. Паводле яго слоў, сілавы сцэнар уяўляе сурʼёзную пагрозу для рэгіянальнай і міжнароднай стабільнасці і бяспекі.
«Асабліва ў сувязі з нанясеннем удараў па ядравай інфраструктуры Ірану, якая знаходзіцца пад кантролем МАГАТЭ. Амбасадар Ірану, у сваю чаргу, давёў пазіцыю Тэгерану адносна развіцця бягучай сітуацыі, выказаў занепакоенасць ростам колькасці ахвяр сярод грамадзянскага насельніцтва, а таксама пазначыў падыходы Ірану да ўрэгулявання канфлікту».
Сустрэча адбываецца на фоне маштабнага вайсковага канфлікту Ізраілю з Іранам.
Пасля пачатку вайны ва Украіне і ізаляцыі Беларусі для беларускіх чыноўнікаў стаў блізкім саюзнікам Іран. Абедзве раіны падтрымліваюць Расею ў агрэсіі супраць Украіны. У ліпені 2023 года Беларусь і Іран падпісалі мемарандум аб ваеннай супрацы.
Арсен Рудэнка belsat.eu
