Урад Беларусі ўнёс змены ў візавыя правілы. Адным з новаўвядзенняў стала электронная віза.
Адпаведная ўрадавая пастанова была падпісаная 16 снежня і апублікаваная сёння, 19 снежня, на Нацыянальным прававым інтэрнэт-партале. Электронная віза пачне дзеяць праз тры месяцы пасля афіцыйнага апублікавання. Дарэчы, прэзентацыя электроннай візы адбылася на выставе «ТІБО» яшчэ ў 2022 годзе.
Выдаваць электронныя візы будуць у аперацыйнай сістэме «Консул». За паслугу з заяўнікаў будуць браць плату.
Атрымаць беларускую электронную візу змогуць грамадзяне абмежаванага пераліку краінаў – у спісе іх 67. Візы будуць аднаразовымі і індывідуальнымі. Тэрмін іх дзеяння будзе не большы за 30 содняў. Звесткі пра асобаў, якія падарожнічаюць разам, у такія візы ўносіцца не будуць.
Электронныя візы будуць мець наступныя катэгорыі ў залежнасці ад мэты паездкі:
- дзелавая паездка;
- удзел у спартовых, культурных, навуковых, адукацыйных падзеях і стажаваннях;
- прыватныя справы;
- турызм.
Надзея Вольная belsat.eu
