Прагноз «The New York Times» паказвае імаверную перамогу рэспубліканцаў у перадвыбарнай гонцы. Цяпер Трамп – лiдар ува ўсіх штатах, якiя сумняваюцца.
Прагноз паказвае на верагодную перамогу рэспубліканцаў у гэтай гонцы на 93 %. Цяпер у Камалы Харыс 224 галасоў выбаршчыкаў, у Доналда Трампа 267.
Рэспубліканская партыя ўжо дабілася большасці ў Сенаце, а ў Паўночнай Караліне СМІ нават прысудзілі ёй перамогу.
Нагадаем, у аўторак, 5 лістапада ў ЗША асноўны дзень народнага галасавання на прэзідэнцкіх выбарах. Адначасова з прэзідэнцкімі выбарамі адбываюцца выбары ў парламент: двухпалатны Кангрэс ЗША. Выбіраюць усю Палату прадстаўнікоў (ніжнюю палату) і траціну Сенату (верхняй палаты). Таксама выбіраюць 13 губернатараў (у 11 штатах, у Амерыканскім Самоа і Пуэрта-Рыка) і яшчэ паўтары сотні мясцовых чыноўнікаў, больш як 5800 мясцовых заканадаўцаў. А яшчэ ў бальшыні штатаў пройдуць мясцовыя рэферэндумы: дзесьці спытаюць пра легальнасць абортаў або марыхуаны, дзесьці пра правы працоўных, дзесьці пра сам працэс выбараў (гэта ўсё завецца ballot measures).
Выбарчая сістэма ў ЗША такая, што дамінуюць дзве партыі. Ужо паўтара стагоддзі гэта Дэмакратычная і Рэспубліканская. Ад Дэмакратычнай сёлета балатуюцца: на прэзідэнта – дзейная віцэ-прэзідэнтка Камала Гэрыс, на віцэ-прэзідэнта – губернатар Мінэсоты Тым Ўолз. Ад Рэспубліканскай: на прэзідэнта – папярэдні прэзідэнт Доналд Трамп, на віцэ-прэзідэнта – сенатар ад Агаё Джэймз Дэйвід Вэнс. Але праз сістэму выбараў у кандыдатаў «трэціх партыяў» практычна няма шанцаў: апошні раз такі кандыдат перамагаў хаця б у адным штаце ў 1968-м, апошні раз займаў другое месца ў 1912-м.
Тэса Анэйда belsat.eu
