#ФРАНЦЫЯ
Канцлер Нямеччыны Фрыдрых Мэрц, прэзідэнт Францыі Эманюэль Макрон, прэм'ер-міністр Вялікай Брытаніі Кір Стармэр і прэмʼер-міністр Польшчы Дональд Туск разам прыехалі ў Кіеў, каб сустрэцца з прэзідэнтам Уладзімірам Зяленскім і заклікаць да поўнага і безумоўнага спынення агню тэрмінам на 30 дзён, паведамляе «Bild».
Іспанія і Партугалія засталіся без святла праз маштабнае адлучэнне электраэнергіі 28 красавіка. Не адкідаецца версія, што гэта кібератака, кажа «Politico». Ёсць паведамленні, што праблемы паўсталі і ў некаторых мясцінах Францыі. «Белсат» запытаўся ў беларуса ў Партугаліі, што адбываецца.
Вялікая Брытанія і Францыя будуць супрацоўнічаць з Кіевам, каб распрацаваць план спынення вайны ва Украіне, і перададуць яго ЗША. Пра гэта паведаміў прэм'ер Вялікай Брытаніі Кір Стармэр пасля абмеркаванняў з прэзідэнтам Украіны Уладзімірам Зяленскім і прэзідэнтам Францыі Эманюэлем Макронам, паведамляе Бі-Бі-Сі.
Краіны Еўразвязу збяруцца на пазачарговы саміт 6 сакавіка, дзе абмяркуюць еўрапейскую абаронную архітэктуру і падтрыманне Украіны на сотні мільярдаў долараў. Пра гэта расказаў прэзідэнт Францыі Эманюэль Макрон «La Tribune».
