Прысуд у справе пра гэтак званы дзяржаўны пераварот Вярхоўны Суд пакінуў без зменаў, паведамляе «Еўрарадыё».
Вярхоўны Суд не задаволіў скаргі абаронцаў фігурантаў «справы змоўнікаў». Ранейшы прысуд застаецца без зменаў.
У «справе змоўнікаў» у верасні сёлета Юрыя Зянковіча асудзілі да 11 гадоў пазбаўлення волі, Аляксандра Фядуту і Рыгора Кастусёва – да 10 гадоў пазбаўлення волі, а Дзянісу Краўчуку прысудзілі 2,5 года пазбаўлення волі. Гэтыя выракі засталіся.
Яшчэ адна фігурантка справы, Вольга Галубовіч, атрымалі 2,5 года пазбаўлення волі, але яна не падавала скаргі ў Вярхоўны Суд.
Алена Аляксандрава belsat.eu