Ва Украіне затрымалі кіраўніка кампаніі «Мотор Січ», былога акцыянера Аршанскага авіярамонтнага заводу
Служба бяспекі Украіны затрымала кіраўніка прамысловага гіганту «Мотор Січ» Вячаслава Багуслаева. Бізнесоўцу абвінавачваюць у калабарацыйнай дзейнасці і спрыянні дзяржаве-агрэсару.
СБУ апублікавала доказы супрацы з РФ прэзідэнта кампаніі «Мотор Січ» Вячаслава Багуслаева. Бізнесоўцу абвінавачваюць у калабарацыйнай дзейнасці і спрыянні дзяржаве-агрэсару.
Паводле следства, нават пасля поўнамаштабнага ўварвання Расеі ва Украіну Вячаслаў Багуслаеў працягваў пастаўляць рухавікі і іншыя запчасткі для расейскіх ударных верталётаў. Працаўнікі СБУ лічаць, што такім чынам прадстаўнік кампаніі фактычна падтрымліваў праціўніка і дапамагаў яму абстрэльваць украінскія гарады і вёскі.
Вячаслава Багуслаева раней неаднаразова выбіралі народным дэпутатам ад «Партыі рэгіёнаў». Ён і раней падтрымліваў Расею.
Да красавіка 2018 году ўкраінскі прадпрымальнік быў акцыянерам беларускага ААТ «Аршанскі авіярамонтны завод».
Алена Аляксандрава belsat.eu
