Следчы аддзел КДБ па Гомельскай вобласці завяршыў расследаванне і перадаў у пракуратуру для накіравання ў суд крымінальную справу супраць удзельнікаў «экстрэмісцкага фармавання» «Рабочы рух».
У справе «Рабочага руху» праходзяць 10 чалавек – былыя працаўнікі гарадзенскага «Азоту», «Нафтану», БМЗ і БЧ:
Яны абвінавачваюцца ў стварэнні экстрэмісцкага фармавання (ч. 3 арт. 361-1 КК) і ў здрадзе дзяржаве (ч. 1 арт. 356 КК). Нібыта яны хацелі зладзіць дыверсіі на прадпрыемствах, а таксама перадавалі службовую інфармацыю замежнаму прадстаўніку. Аляксандра Капшулю таксама абвінавачваюць у незаконных дзеяннях у дачыненні агнястрэльнай зброі (ч. 2 арт. 295 КК), а Шэлеста, Жураўку і Пагерылу таксама ў паклёпе (арт. 188 КК). Пагражае затрыманым да 15 гадоў зняволення.
«Падчас папярэдняга следства ўстаноўлена, што ўдзельнікі названага фармавання, акрамя ўчынення злачынстваў экстрэмісцкай накіраванасці, ажыццяўлялі супрацьпраўную дзейнасць па зборы і наступнай перадачы замежнай дзяржаве, замежнай арганізацыі і іх прадстаўнікам (у тым ліку спецслужбам ЗША і Літвы) службовай інфармацыі абмежаванага характару ў адносінах да суб’ектаў гаспадарання Рэспублікі Беларусь, якое непасрэдна датычыцца зробленых імі спосабаў па абыходзе мераў абмежавальнага характару (санкцый), а таксама варыянты супрацьдзеяння такім спосабам», – паведамляе прэс-служба КДБ.
Затрыманні ў справе «Рабочага руху» прайшлі ў верасні 2021 года. За некалькі дзён да гэтага КДБ прызнаў аб’яднанне «Рабочы рух» «экстрэмісцкім фармаваннем». Пазней з некалькіх фігурантаў знялі абвінавачанні.
Алена Рувіна belsat.eu