навіны

«Кіберпартызаны» паабяцалі не спыняць працы ад праблемаў з фондам Мельнікавай

img
Спікерка Каардынацыйнай рады Анжаліка Мельнікава. Варшава, Польшча. 19 ліпеня 2024 года. Фота: Міра Ляселішская / Белсат
podpis źródła zdjęcia

Прадстаўніца «Кіберпартызанаў» Юліяна Шаметавец запэўніла «Белсат», што на працу арганізацыі амаль не паўплывае адсутнасць доступу да рахункаў кампаніі зніклай Анжалікі Мельнікавай. Там завіслі некалькі дзясяткаў тысяч долараў, якія донары вылучылі «Кіберпартызанам».

«У нас бальшыня людзей працуе не за заробак, таму не праблема працягваць далей, мо проста не так хутка будзем дапамагаць з "прабівамі" журналістам і актывістам», – сказала «Белсату» прадстаўніца «Кіберпартызанаў» Юліяна Шаметавец.


Калі з рахункаў фонду «Białoruś Liberty», заснаванага Анжалікаю Мельнікаваю, не ўдасца забраць грошы, то гэта «некрытычна адаб'ецца» на працы «Кіберпартызанаў», запэўніла Шаметавец.

Віцэ-спікерка Каардынацыйнай рады Станіслава Гліннік. Вільня, Літва. 22 ліпеня 2024 года. Фота: Белсат

«Яе маглі выкрасці або завербаваць». Віцэ-спікерка КР – пра версіі знікнення Мельнікавай

навіны

Паводле яе, арганізацыя атрымлівала гранты «на развіццё "Партызанскага Тэлеграму", боты, расследаванні».


Раней Шаметавец пацвердзіла, што Мельнікава, маючы юрыдычную асобу ў Польшчы, дапамагала з афармленнем грантаў і грашовымі пераводамі:


«Аніякіх праблемаў ніколі не было, яна вельмі дэталёва, адкрыта і прафесійна вяла нашыя гранты».


На рахунках «Białoruś Liberty» засталіся некалькі дзясяткаў тысячаў долараў, што належаць «Кіберпартызанам». Доступ да гэтых грошай мае толькі Мельнікава.


У эфіры «Студыі "Белсат"» Юліяна Шаметавец таксама адзначыла, што зніклая спікерка Каардынацыйнай рады не мела доступу да ўнутранай інфармацыі «Кіберпартызанаў»:


«У яе няма доступу да сэнсітыўнай інфармацыі ці планавання аперацыяў, ці інфармацыі пра ўдзельнікаў "Кіберпартызанаў". Вядома, была камунікацыя, але з удзельнікамі, якія не з'яўляюцца часткаю галоўнай каманды».

Перад тым як пачаць супрацу з Мельнікаваю, яе правяралі, сказала Шаметавец:


«У нас заўсёды падазрэнні наконт абсалютна ўсіх. Так, мы яе правяралі. Калі чалавека вярбуюць, у нашых базах немагчыма знайсці чырвонымі літарамі, што вось супрацоўнік КДБ, і толькі пэўнымі працэдурамі можна нейкім чынам спрабаваць зразумець. Заўсёды ёсць рызыка таго, што чалавек, які з намі працуе, можа быць агентам, зліваць інфармацыю сябрам, медыям у тым ліку, таму мы намагаемся зніжаць рызыку доступу да інфармацыі».


Сувязь з Анжалікаю Мельнікаваю знікла 25 сакавіка. Паводле польскіх службаў, спікерка Каардынацыйнай рады пакінула тэрыторыю Польшчы. Кіраўнік арганізацыі «BYPOL» Аляксандр Азараў казаў «Белсату», што Мельнікава «ўжо можа быць у Беларусі».


Сцяпан Кубік belsat.eu

больш па гэтай тэме Глядзіце больш
Item 1 of 4
апошнія
Item 1 of 10