«Гомельэнерга» распісаў для жыхароў Гомельскай вобласці і памежных тэрыторыяў правілы бяспекі на выпадак атакі беспілотнікаў. Просяць захоўваць спакой і прадпрымаць наступныя захады.
Вось, як на выпадак небяспекі раіць сябе паводзіць «Гомельэнерга»:
- У першую чаргу прыняць захады, каб забяспечыць уласную бяспеку. Калі дазваляе час, схавацца ў капітальным будынку далей ад вокнаў і шкляных вітрын або схавацца за дрэвамі з густой кронай.
- Калі вы бачыце, што робат ужо блізка і дабрацца да найбліжэйшай надзейнай хованкі не атрымаецца, неабходна імгненна легчы на зямлю,а локці прыціснуць да тулава. У выпадку, калі паблізу ёсць яма, канава або траншэя, паспрабуйце скокнуць у іх – гэта дасць вам дадатковую абарону ад аскепкаў і выбухной хвалі. Памятайце, што неабходна заставацца на зямлі, пакуль не спыняцца выбухі.
- Калі вы знаходзіцеся ўдома, неабходна ісці ў пакой, аддзелены дзвюма глухімі сценамі ад боку прылёту дронаў. Самым бяспечным месцам у доме пры такой сітуацыі лічыцца ванны пакой.
- Калі ў момант налёту вы знаходзіцеся ў аўтамабілі, ні ў якім разе не спрабуйце з'ехаць. Спыніце машыну, пакіньце яе і размясціцеся на зямлі, каб мінімізаваць рызыку пашкоджанняў.
- Важна ні ў якім разе не чапаць дрон, калі ён ужо ўпаў, і не падыходзіць да яго блізка. Калі ёсць магчымасць, трэба засцерагчы месца прызямлення дрону і не дазваляць іншым людзям набліжацца да яго. Таксама трэба неадкладна паведаміць пра здарэнне па тэлефоне 112.
Нагадаем, напярэдадні Лукшэнка заявіў пра «знішчэнне ўкраінскіх беспілотнікаў» у раёне Касцюковічаў увечары 9 жніўня.
Чытайце таксама: «Пажар ахопіць увесь рэгіён і перакінецца на ЕЗ» – як рэжым Лукашэнкі прасоўвае тэму з «украінскімі» дронамі
Надзея Вольная, «Белсат»
