Палессе наагул знаходзіцца ў зоне змены кліматычнага поясу
Засушлівы травень, але багаты на ападкі пачатак вясны, у выніку чаго ўзніклі паводкі – гэта анамальныя зʼявы для Беларусі. Якім будзе лета ў бягучым годзе сіноптыкі пакуль не могуць прадказаць. У сваю чаргу экалагічны актывіст Аляксей Аўчыннікаў у размове з «Белсатам» тлумачыць, што прычынамі анамальных зʼяваў надворʼя зʼяўляецца змена клімату ў Беларусі.
Галоўнай прычынаю засухі ў траўні і пачатку чэрвеня ў бягучым годзе экаактывіст Аляксей Аўчыннікаў называе змену клімату.
,,«Мы памятаем анамальны пачатак вясны, калі выпала вельмі шмат ападкаў. Былі паводкі ў Гомельскай, Віцебскай вобласці. Пасля гэтага быў вельмі сухі травень і гэта як раз тое, што з’яўляецца такім сімвалам змены клімату. Калі кожны месяц бачым розныя анамальныя з’явы», – лічыць экаактывіст.
Паводле эксперта, змена клімату адбываецца праз шматлікія выкіды парніковых газаў. У сучасным свеце чалавек вельмі кепска ўплывае на навакольнае асяроддзе, на прыроду і не вырашае пытанне пераходу да больш сталага пераходу да зялёнай эканомікі і энергетыкі.
Адным з наступстваў змены клімату, паводле суразмоўцы «Белсату», з’яўляюцца вялікія лясныя пажары. Цяпер гэта адбываецца ў Канадзе, на поўначы ЗША. Гэта таксама можа быць і ў Беларусі.
,,«Толькі 19 % ападкаў ад нормы выпала ў траўні. Усе будуць глядзець, якая сітуацыя будзе ў чэрвені. Але ўжо цяпер можна казаць пра высокую рызыку і небяспеку пажараў. У нас хвойныя лясы ў асноўным, якія вельмі лёгка загараюцца. Гэта будзе вялікая бяда», – папярэджвае Аляксей Аўчыннікаў.
На змену клімату ў Беларусі будзе ўплываць шэраг фактараў, – кажа экалагічны актывіст. Цяпер, напрыклад, Палессе ў зоне змены кліматычнага поясу. Гэты рэгіён пакутуе, назіраем і апустыньванне тэрыторыі. Таксама там ёсць пытанне, як зрабіць пераход клімату больш мяккім. І мы будзем бачыць анамальныя з’явы. Каб да гэтага адаптавацца трэба змяняць працоўныя месцы. Гарады трэба інфраструктурна ўмацоўваць, рабіць іх больш адаптыўнымі.
Паводле экаактывіста, у бліжэйшай будучыні мы будзем бачым, што многія месяцы стануць засушлівымі, будзем бачыць шмат іншых анамальных з’яваў.
Алена Аляксандрава belsat.eu
