Паліцыя прадставіла дадзеныя ў адказ на запыт «Медиазоны».
«Медиазона» апублікавала звесткі Нацыянальнай паліцыі Украіны аб колькасці зніклых без вестак украінцаў і неапазнаных целаў.
Паводле праваахоўных органаў, з пачатку вайны да 26 траўня ў паліцыю падалі 9030 заяваў аб зніклых без вестак, 6793 чалавек усё яшчэ шукаюць. Больш за ўсё зніклых у Данецкай (1660 чалавек), Кіеўскай (584), Харкаўскай (581), Палтаўскай (579) і Днепрапятроўскай (566) вобласцях.
У ведамстве зафіксавалі 1115 неапазнаных целаў. Больш за ўсё неапазнаных загінулых у Кіеве (239 целаў), а таксама ў Кіеўскай (234), Тэрнопальскай (152), Луганскай (123) і Чарнігаўскай (85) вобласцях.
Глеб Нержын belsat.eu
