Адмысловыя спавяшчальнікі ў пытанні ўжывання смяротнага пакарання накіравалі паведамленне ўраду Беларусі
Адмысловыя спавяшчальнікі ААН у пытанні ўжывання смяротнага пакарання ў галіне правоў чалавека ў Беларусі і ў пытанні заахвочвання і абароны правоў чалавека і асноўных свабодаў ва ўмовах барацьбы з тэрарызмам накіравалі паведамленне ўраду Беларусі. У ім яны выказалі заклапочанасць унясеннем паправак у Крымінальны кодэкс, якія ўводзяць смяротнае пакаранне за рыхтаванне злачынстваў, што адносяцца да тэрарызму, і замах на іх, паведамляе «Вясна».
У паведамленні адмысловыя спавяшчальнікі ААН нагадалі ўраду пра абавязкі Беларусі ў межах Міжнароднага пакту аб грамадзянскіх і палітычных правах (МПГПП) і Канвенцыі супраць катаванняў. Асобна прадстаўнікі ААН падкрэслілі неадпаведнасць прапанаваных паправак арт. 6 МПГПП, які прадугледжвае, што смяротныя прысуды могуць выносіцца толькі за самыя цяжкія злачынствы, злучаныя з наўмысным пазбаўленнем жыцця.
Адмысловыя спавяшчальнікі выказалі заклапочанасць шырокай і расплывістай фармулёўкай арт. 289 КК («Акт тэрарызму»), які патэнцыйна можа ахопліваць такія дзеянні, як выказванне нязгоды і абарона правоў чалавека, а таксама з нагоды вынясення смяротных прысудаў прамінулым днём у парушэнне прынцыпу nulla poena sine lege (няма пакарання без закону) у дачыненні асобаў, занесеных у «тэрарыстычны спіс»: журналісты, праваабаронцы, палітычныя апаненты і іншыя.
Адмысловыя спавяшчальнікі нагадалі, што злачынствы, якія караюцца смяротным пакараннем, як і любыя іншыя злачынствы, павінны быць дакладна вызначаныя ў законе ў адпаведнасці з прынцыпам прававой акрэсленасці.
Прадстаўнікі ААН заклікалі Беларусь прыпыніць дзеянне паправак, адкрыць грамадскую прастору для абмеркавання іх зместу з грамадзянскай супольнасцю і экспертамі ў гэтым пытанні і даць дадатковы час для заканадаўчага і грамадскага разгляду, каб забяспечыць адпаведнасць прапанаваных паправак міжнародным нормам і стандартам у галіне правоў чалавека, і калі будзе вызначана, што яны іх парушаюць, неадкладна адмяніць іх прыняцце.
Нагадаем, што ў красавіку ў Крымінальны кодэкс Беларусі былі прынятыя папраўкі. Палата прадстаўнікоў у двух чытаннях ухваліла ўвядзенне расстрэлу як кары за замах на ўчыненне акту тэрарызму.
Раман Лугоўскі belsat.eu
