У ноч на 5 чэрвеня расейскія войскі здзейснілі масаваны авіяўдар па Чарнігаўскай вобласці: пад атаку беспілотнікаў трапіў горад Прылукі. У выніку загінулі прынамсі пяць чалавек, сярод якіх – дзіця ва ўзросце ўсяго аднаго года і чатырох месяцаў. Яшчэ шасцёра атрымалі раненні.
Паводле паведамлення Нацыянальнай паліцыі, сярод загінулых – 46-гадовая жанчына, ейная дачка, народжаная ў 1998 годзе, і малы ўнук. Іхныя целы былі знойдзеныя пад руінамі дому.
Па горадзе, паводле ацэнак, удары нанеслі як мінімум шэсць расейскіх ударных дронаў. У выніку пашкоджаныя жылыя дамы.
Апрача таго, расейскія БПЛА атакавалі Харкаў. У Слабадскім раёне гораду ўспыхнулі тры пажары: гарэлі кватэра на апошнім паверсе 17-павярховага дому, кватэра і падвал у пяціпавярховіку, а таксама легкавыя аўтамабілі.
