Санкцыі былі пашыраны пасля 2020 года.
Прэзідэнт ЗША Джо Байдэн падпісаў пастанову, якая падаўжае дзеянне амерыканскіх санкцыяў супраць уладаў Беларусі.
Першапачаткова санкцыі былі ўведзеныя яшчэ ў 2006 годзе праз дзеянні ўладаў Беларусі падчас прэзідэнцкіх выбараў, калі фіксавалі шматлікія парушэнні правоў чалавека і рэпрэсіі.
,,«Дзеянні і палітыка некаторых чальцоў ураду Беларусі і іншых асобаў, а таксама шкодная дзейнасць і даўнія злоўжыванні беларускага рэжыму працягваюць складаць незвычайную і выключную пагрозу нацыянальнай бяспецы і замежнай палітыцы Злучаных Штатаў», – гаворыцца ў паведамленні Белага дому.
Пасля апошніх прэзідэнцкіх выбараў і ў сувязі са жнівеньскімі падзеямі 2020 года ў Беларусі санкцыі былі пашыраныя. Прэзідэнт ЗША лічыць, што ўлады Беларусі падрываюць дэмакратычныя працэсы і інстытуты ў нашай краіне.
У санкцыйным спісе ЗША для Беларусі цяпер 59 чалавек і 41 юрыдычная асоба.
Алена Рувіна belsat.eu
