Арышт накладзены на 315 беларускіх і расейскіх чыгуначных вагонаў з мінеральнымі ўгнаеннямі
Офіс Генеральнага пракурора Украіны паведамляе пра арышт, накладзены на 315 беларускіх і расейскіх чыгуначных вагонаў з мінеральнымі ўгнаеннямі. Агульная вартасць вагонаў і іх змесціва ацэньваецца ў 360 мільёнаў грыўняў (больш за $12 мільёнаў).
На сайце Офісу генпракурора гаворыцца, што арыштаваныя чыгуначныя вагоны, якія належаць расейскім і беларускім прадпрыемствам, былі ўвезеныя на тэрыторыю Украіны з парушэннямі мытнага заканадаўства.
Распачатая крымінальная справа за ўхіленне ад сплаты падаткаў у асабліва буйным памеры (ч.3 арт.212 КК Украіны). Дасудовае расследаванне праводзіць Бюро эканамічнай бяспекі.
Марыя Міхалевіч belsat.eu
