Калі да 13 ліпеня Беларусь не правядзе плацёж па еўрабондах у валюце, то агенцтва прызнае гэта дэфолтам.
Міжнароднае рэйтынгавае агенцтва «Fitch» панізіла доўгатэрміновы рэйтынг Беларусі ў замежнай валюце з узроўню ССС да С.
Рашэнне аб паніжэнні рэйтынгу звязанак з заявай Міністэрства фінансаў Беларусі аб тым, што плацяжы па еўрабондах будуць праводзіцца ў беларускіх рублях замест долараў ЗША. Гэта супярэчыць дакументацыі адносна аблігацыяў, якая не дапускае разлікаў у альтэрнатыўных валютах, адзначаюць у агенцтве.
У «Fitch» падкрэсліваюць, што льготны перыяд у дадзеным плацяжы сканчаецца 13 ліпеня. Калі да гэтага часу Беларусь не правядзе выплаты на першапачатковых умовах, то агенцтва прызнае гэта дэфолтам.
Таксама «Fitch» будзе лічыць дэфолтам спробу ўраду абмяняць еўрааблігацыі на дзяржаўныя аблігацыі на ўнутраным рынку, разлікі па якіх будуць весціся ў беларускіх рублях.
Глеб Нержын belsat.eu
