Маніторынгавы праект «Беларускі Гаюн» паведамляе пра запускі ракетаў з тэрыторыі Беларусі і актыўныя палёты вайсковай авіяцыі.
Запуск некалькіх ракетаў быў зафіксаваны ў Мазырскім раёне.
Таксама «Беларускі Гаюн» інфармуе пра запускі дзвюх ракетаў у раёне Салігорску.
У Гомельскім, Мазырскім, Салігорскім і Старадарожскіх раёнах, у Слуцку і Жлобіне чуваць гул самалётаў. Над Бабруйскам заўважылі тры стратэгічныя бамбавікі Ту-22М3.
Усю гэтую актыўнасць «Беларускі Гаюн» зафіксаваў з 11 да 12:00. Адначасова дэпутат Вярхоўнай Рады Аляксей Ганчарэнка паведаміў пра 6–7 выбухаў у Кіеўскай вобласці.
Мясцовыя ўлады таксама паведамляюць пра выбухі ў раёне Чаркасаў.
Напярэдадні, 25 чэрвеня, украінскія ўлады заяўлялі пра нанясенне ракетных удараў па Украіне з тэрыторыі Беларусі.
Глеб Нержын belsat.eu