Праваабарончы цэнтр «Вясна» паведамляе, што ў Менску затрымалі крэатыўнага дырэктара архітэктурнага бюро Канстанціна Высочына. Імаверна, за каментары адносна вайны ва Украіне.
Праўладныя тэлеграм-каналы паведамляюць пра затрыманне менчука Канстанціна Высочына праз тое, што ён «пастанавіў у сацсетках хайпануць на тэме ўкраінскіх падзеяў».
Пасля агляду тэлефона мужчыны была распачатая крымінальная справа паводле артыкулу 342 КК РБ. Высочын нібыта браў удзел у акцыях пратэсту ў 2020 годзе і перакрываў транспартавы рух.
Нагадаем, што з пачатку вайны ва Украіне 24 лютага 2022 года беларусаў па ўсёй краіне затрымліваюць за падтрыманне ўкраінцаў і асуджэнне дзеянняў вайскоўцаў РФ.
ЗХ belsat.eu