Ва ўкраінскім пункце пропуску Устылуг на мяжы з Польшчай украінскія памежнікі сапсавалі пашпарт чарговаму беларусу, паведамляе «Free Belarus Center».
Супрацоўнікі ўкраінскай мытні паставілі ў пашпарце беларуса адзнаку аб перасячэнні мяжы на старонцы з асабістым подпісам, не прызначанай для гэтага.
Пасля такога пашпартнага кантролю дакумент могуць прызнаць несапраўдным.
Гэта не першы выпадак псавання беларускіх пашпартоў украінскімі памежнікамі. Гэтак, у канцы сакавіка ў прапускным пункце Рава-Руская на мяжы Украіны з Польшчай некаторыя супрацоўнікі ўкраінскай мытні з уласнай ініцыятывы ў некаторых пашпартах беларусаў пісалі фразу «Слава Украіне!» унутры дакумента ці на першай старонцы.
Алена Рувіна belsat.eu