Недалёка ад Любліна ў ДТЗ трапіў аўтобус з беларусамі. Ён з’ехаў у кювет. Тэлеканал TVP3 паведамляе, што пацярпелі тры асобы.
ДТЗ адбылося сёння ўначы ў горадзе Вандзіне ля Любліна. Паводле папярэдніх звестак, кіроўца выбраў няправільную хуткасць ва ўмовах снегападу і не даў рады кіраванню на закругленні дарогі.
У выніку аўтобус з’ехаў у кювет і перакуліўся.
У салоне былі 37 асобаў, пацярпелі трое. Радыё RMF паведамляе, што сур’ёзных траўмаў у іх няма, пераважна – сінякі.
Кіроўца быў цвярозы.
Аўтобус выконваў рэйс у Італію. Пасажыраў на час чакання рэзервовага транспарту адвезлі ў гасцініцу.
Уначы ў Польшчы пачаўся снегапад, медыі пішуць пра павелічэнне колькасці ДТЗ у краіне, абрывы электралініяў і складаную сітуацыю на дарогах.
Сяргей Крот belsat.eu
