Рашэннем ад 30 жніўня КДБ прызнаў «экстрэмісцкім фармаваннем» Аб’яднаны пераходны кабінет, створаны Святланай Ціханоўскай.
У спіс «экстрэмісцкіх фармаванняў» кабінет быў уключаны 5 верасня. Цяпер у спісе ўжо 86 пазіцыяў.
Нагадаем, пра стварэнне калектыўнага выканаўчага органу – Аб’яднанага пераходнага кабінету – было абвешчана падчас канферэнцыі «Новая Беларусь» 9 жніўня.
Сёння ў склад Пераходнага кабінету ўваходзяць: Святлана Ціханоўская (кіраўніца Кабінету), Валер Кавалеўскі (намеснік кіраўніцы і прадстаўнік Кабінету ў замежных справах), Павел Латушка (намеснік кіраўніцы і прадстаўнік Кабінету ў транзіце ўлады), Аляксандр Азараў (прадстаўнік Кабінету ў аднаўленні правапарадку), Валерый Сахашчык (прадстаўнік Кабінету ў абароне і нацыянальнай бяспецы).
Глеб Нержын belsat.eu
