Нацбанк Беларусі пастанавіў не мяняць дзейнага з сакавіка паказніку разліковых велічыняў стандартнай рызыкі (РВСР). Праз гэты паказнік вызначаюць максімальна магчымыя адсоткавыя стаўкі для новых крэдытаў фізічным і юрыдычным асобам.
У чэрвені стаўка РВСР будзе такая:
- для новых крэдытаў юрыдычным асобам на тэрмін да трох гадоў уключна (акрамя льготных) – 12,87 % гадавых;
- для новых крэдытаў юрыдычным асобам на тэрмін, большы за тры гады (акрамя льготных) – 12,29 % гадавых;
- для новых крэдытаў фізічным асобам (акрамя льготных) – 18,18 % гадавых,
- для новых тэрміновых безадкліканых банкаўскіх укладаў (дэпазітаў) фізічных асобаў з тэрмінам вяртання, большым за адзін год – 15,29 % гадавых.
Пры змене РВСР крэдытныя стаўкі (найперш на нерухомасць) адразу мяняюць і камерцыйныя банкі.
Захаванне памеру стаўкі значыць, што крэдыты на нерухомасць, якія дасягнулі гэтай столі, у чэрвені расці не будуць (павялічыць яе могуць толькі пры некаторых умовах). Але тыя крэдыты, якія столі не дасягнулі, могуць павялічыцца.
У красавіку 2025 года ўлады змянілі парадак рэгулявання стаўкі РВСР. Напрыклад, прызначылі яе для новых крэдытаў юрыдычным асобам у нацыянальнай валюце на тэрмін, большы за тры гады. Акрамя таго, у красавіку вярнулі стаўку РСВР для новых тэрміновых безадкліканых банкаўскіх укладаў фізічных асобаў з тэрмінам вяртання, большым за адзін год.
Гэта зрабілі для «недапушчэння празмернага росту максімальных адсоткавых ставак для гэтага віду крэдытаў».
Тэса Анэйда belsat.eu
