Праваабаронцы прызналі яшчэ чатырох чалавек палітычнымі зняволенымі. Такім чынам, у краіне сёння афіцыйна прызнаныя палітвязнямі 1188 чалавек.
У лік палітзняволеных былі ўключаныя яшчэ чатыры асобы. Гэта Максім Урбановіч, Мікалай Ляпёшка, Аляксандр Невар і Максім Лепушэнка.
Усім пералічаным асобам былі выстаўленыя абвінавачанні паводле ч. 1 артыкула 342 Крымінальнага кодэкса («Групавыя дзеянні, якія груба парушаюць грамадскі парадак») за ўдзел у паслявыбарчых пратэстах 2020 года.
,,«Мы ацэньваем пераслед вышэй названых асоб, якія былі пазбаўленыя волі і абвінавачаныя ў групавых дзеяннях, якія груба парушаюць грамадскі парадак, як палітычна матываваны пераслед у сувязі з рэалізацыяй імі свабоды мірных сходаў і выказвання свайго меркавання адносна абвешчаных вынікаў выбараў Прэзідэнта Рэспублікі Беларусь і прызнаем іх палітычнымі зняволенымі», – гаворыцца ў заяве праваабаронцаў.
Таксама праваабаронцы патрабуюць ад уладаў Беларусі неадкладна вызваліць гэтых асоб, а таксама ўсіх іншых палітычных зняволеных і грамадзян, «затрыманых у сувязі з рэалізацыяй свабоды мірных сходаў у поствыбарчы перыяд, і спыніць палітычныя рэпрэсіі ў дачыненні да грамадзян краіны».
Раман Шавель belsat.eu
