«Ядравыя рэактары», машыны і мэбля. Як змяніўся гандаль Беларусі з ЕЗ пасля пачатку вайны

Беларусь зніжае як закупы ў Еўразвязе, гэтак і продажы туды. Аднак імпарт з некаторых краінаў ЕЗ стаўся вышэйшым, чым да поўнамаштабнай вайны ва Украіне, а экспарт у Кіпр павялічыўся ў 5,6 разу ў 2024 годзе. «Белсат» даведаўся, як змяніўся гандаль з ЕЗ за апошнія гады і што за «ядравыя рэактары» Беларусь там рэгулярна купляе.