Уладальнік кампаніі «Meta», якой належаць Facebook і Instagram, Марк Цукербэрг абвесціў пра перагляд палітыкі мадэрацыі ў гэтых сацсыяльных сетках.
З такою заяваю Марк Цукербэрг выступіў у сваім Facebook-акаўнце. Паводле яго, кампанія пастанавіла адмовіцца ад правярання фактаў і зрабіць паслабленне ў правілах мадэрацыі кантэнту:
«Прыйшоў час вярнуцца да нашых каранёў што да свабоды слова. Мы замяняем правяранне фактаў «нататкамі супольнасці», спрашчаем нашую палітыку і засяроджваемся на змяншэнні колькасці памылак. Моцна чакаю наступнага кроку».
Згодна з новаўвядзеннямі, фактчэкінг будзе заменены «нататкамі супольнасці», пры якіх карыстальнікі змогуць правяраць кантэнт.
Акрамя таго, будуць адмененыя абежаванні ў такіх тэмах, як гендар і іміграцыя.
Таксама прадугледжваецца, што карыстальнікі змогуць бачыць палітычнага зместу, які можна будзе персаналізаваць.
Адным з акцэнтаў у дзейнасці кампаніі будзе засяроджанне на барацьбе з тым, што па-за законам: тэрарызм, наркотыкі, эксплуатацыя дзяцей.
Ва ўступным слове Цукербэрг адзначыў, што ў кампаніі дапускалі зашмат памылак і цэнзуры, а выбары ў Злучаных Штатах сталіся паваротным момантам, які дазволіць ізноў паставіць свабоду слова ў прыярытэт.
На гэтым фоне было таксама адзначана, што «Meta» пойдзе на супрацу з Доналдам Трампам, каб супрацьстаяць тым урадам у свеце, якія пераследуюць кампаніі з ЗША і ўзмацняюць цэнзуру.
Нагадаем, што ў 2023 годзе на адрас «Meta» гучала крытыка ў неаб’ектыўным мадэраванні кантэнту ў сваіх сацыяльных сетках. Тады былі апублікаваныя даклады, аўтары якіх сцвярджалі, што мадэрацыя кантэнту ў «Meta», звязанага з вайною ва Украіне, была неаб'ектыўная: нібыта «Meta» цэнзуравала ўкраінскі кантэнт, адначасова дазваляючы распаўсюджваць прарасейскую прапаганду. Паводле прадстаўніка кампаніі Джэйкаба Туроўскага, «гэтыя абвінавачванні ілжывыя і не маюць пад сабою ніякіх доказаў».
Раман Шавель belsat.eu
