Супольнасць ЛГБТК+ у Беларусі апынулася пад прыцэлам уладаў

У імкненні выкараніць любое іншадумства ў краіне беларускія ўлады праводзяць не толькі палітычны пераслед. Яны спрабуюць выкараніць з грамадства наогул любую «іншасць», а таму актыўна ўзяліся за рэпрэсіі супраць прадстаўнікоў супольнасці ЛГБТК+. І гэтыя факты, на жаль, часта застаюцца ў ценю. Праваабаронцы з «Прававой ініцыятывы» падрыхтавалі адмысловую справаздачу, якая пралівае святло на тое, у якім жаху даводзіцца жыць прадстаўнікам гэтай супольнасці ў Беларусі апошнім часам.