Аляксандр Лукашэнка заявіў пра патрэбу «новай навукова-тэхнічнай рэвалюцыі» ў Беларусі. А ў гэты час брытанскі стартап «Space Solar» збіраецца забяспечыць планету таннай электраэнергіяй з космасу, у Шатландыі дзяцей знаёмяць са штучным інтэлектам у «Robotarium», а ў Сеуле запускаюць беспілотныя аўтобусы. Новыя «Навіны з будучыні».
Брытанскі стартап «Space Solar» прадэманстраваў рэвалюцыйную тэхналогію, якая можа забяспечыць зямлю таннай і надзейнай энергіяй круглы год. Іхны прататып сонечнага спадарожніка здольны збіраць сонечную энергію ў космасе і перадаваць яе на Зямлю ў выглядзе мікрахваляў.
,,«Гэтая тэхналогія дазваляе атрымаць бесперапынную энергію днём і ноччу ў любое надвор’е і ў любую пару года», – апавядае Марцін Солтаў, генеральны дырэктар «Space Solar».
Спадарожнікі, якія лятаюць высока над Зямлёю, павінны збіраць сонечную энергію і скіроўваць яе на зямныя станцыі.
«Space Solar» сцвярджае, што вытворчыя выдаткі на сонечную энергію з космасу параўнальныя з коштамі на аднаўляльную энергію і значна таннейшыя за ядравую.
Таксама глядзіце ў новым выданні праграмы «Навіны з будучыні» Вольгі Старасцінай:
- «Robotarium» у Шатландыі для дзяцей
- Квантавы камп'ютар ад Інстытуту Нільса Бора
- Палімерны 3D-прынтар для друку дамоў ад Універсітэту Мэйну
- «Формула-1» на шляху да нулявых выкідаў
- Аўтобусы беспілотнікі ў Сеуле
- Манітор удараў па галаве для горных велагоншчыкаў
- Кампанія «Veolia» з Аўстраліі і Новай Зеландыі дабывае метан са смецця
- Як у Еўропе змагаюцца з азіяцкімі шэршнямі
- Робат-сабака і робат-скакун ад «SpaceHopper» на службе чалавека.
Больш «Навінаў з будучыні» глядзіце на канале «Belsat Life».
BB belsat.eu
