Ёй пагражае да 12 гадоў зняволення.
Супрацоўнікі ГУБАЗіК затрымалі адвакатку Анастасію Лазарэнку за нібыта «зліў персанальных звестак у экстрэмісцкія тэлеграм-каналы», паведамляюць праваабаронцы.
Сілавікі прыехалі затрымліваць жанчыну з аўтаматамі і ў браняваных камізэльках – яны залезлі ў вокны і выламалі дзверы. На відэа, апублікаваным у тэлеграм-канале сілавікоў, жанчына гаворыць, што працуе ў адной з юрыдычных кансультацыяў Менску. Яна распавяла, што яе затрымалі «за зліў персанальных звестак супрацоўнікаў міліцыі».
«Злівала сваіх суседзяў, калегаў, суддзяў і ўсіх тых, з кім дачынялася ў сваёй практычнай дзейнасці», – піша тэлеграм-канал ГУБАЗу.
Супраць адвакаткі распачатая крымінальная справа паводле ч. 2 арт. 130 КК («Распальванне сацыяльнай варожасці»). Ёй пагражае да 12 гадоў зняволення.
Алена Рувіна belsat.eu
