навіны

Падпісаны закон «Аб амністыі». Каго не вызваляць – спіс выключэнняў вялікі

Здымак мае ілюстрацыйны характар. Былая турма КДБ у Вільні, якая падобная да месца зняволення беларускіх палітвязняў. Вільня, Літва. 27 чэрвеня 2024 года. (Фота: Белсат)
Здымак мае ілюстрацыйны характар. Былая турма КДБ у Вільні, якая падобная да месца зняволення беларускіх палітвязняў. Вільня, Літва. 27 чэрвеня 2024 года. (Фота: Белсат)
podpis źródła zdjęcia

Амністыя не датычыць доўгага спісу «народных» артыкулаў, нават калі асуджаны цяжка хворы.

Амністыя, што анансавалі яшчэ 11 студзеня, набыла канчатковую форму: 3 ліпеня быў афіцыйна апублікаваны закон «Аб амністыі», што Аляксандр Лукашэнка падпісаў днём раней. Закон не датычыць большай часткі палітычных зняволеных.
Здымак мае ілюстрацыйны характар. Былая турма КДБ у Вільні, якая падобная да месца зняволення беларускіх палітвязняў. Вільня, Літва. 27 чэрвеня 2024 года. (Фота: Белсат)
Здымак мае ілюстрацыйны характар. Былая турма КДБ у Вільні, якая падобная да месца зняволення беларускіх палітвязняў. Вільня, Літва. 27 чэрвеня 2024 года. (Фота: Белсат)
Паводле закону, амністыя закране наступныя катэгорыі вязняў:
Адзін год пакарання маюць скасаваць асобам, якім было прызначанае пакаранне ў выглядзе абмежавання і пазбаўлення волі, а таксама тым, каму змякчалі пакаранне паводле артыкулаў 90, 91, 93, 119 і 120 КК РБ. Асобам, якім засталося дасядзець менш за год, маюць замяніць пазбаўленне волі на абмежаванне волі без накіравання ў папраўчую ўстанову («хатняя хімія»), абмежаванне волі – на ўмоўнае вызваленне.
Усё гэта не датычыць:
Спіс асобна пазначаных крымінальных артыкулаў, якіх не датычыць амністыя:
122, 124, 126, 127, 130–130-2, 133, ч. 1 арт. 139 (акрамя жанчын з трыма і больш няпоўнагадовымі дзецьмі), ч. 2 арт. 139, ч. 3 арт. 147 (акрамя жанчын з трыма і больш няпоўнагадовымі дзецьмі), ч. 2 і 3 арт. 166, ч. 2 і 3 арт. 167, ч. 2 арт. 168, арт. 190, 191, 193-1, 198, 198-1, 203, 203-1, 218, 285–287, 289–295-1, 295-3, 309, 310, ч. 3 арт. 311, ч. 2 і 3 арт. 317 (калі злачынства ўчынілі ў стане алкагольнага ці наркатычнага ап’янення), ч. 4 і 5 арт. 317, арт. 317-1, ч. 3 арт. 322, ч. 3 арт. 323, ч. 3 арт. 324, арт. 327–332 (акрамя жанчын з трыма і больш няпоўнагадовымі дзецьмі), ч. 2 і 3 арт. 333, арт. 333-1, 340–342, 342-2, 343-1, 346, ч. 2 арт. 349, ч. 3 арт. 350, арт. 352, 356–370, 373, 375, 388, 389, 391, 421, 422, 423-1 КК РБ, а таксама арт. 61–65-1, 67, 74, 74-2, 76, 100, 101, ч. 2 арт. 106, ч. 2–4 арт. 115, арт. 117, 119, 124-1, 189-1, ч. 3 арт. 206 (калі злачынства ўчынілі ў стане алкагольнага ці наркатычнага ап’янення) Крымінальнага кодэксу Савецкай Беларусі 1960 года.


,,

Амністыя не датычыць «народных» артыкулаў за «Групавыя дзеянні, якія груба парушаюць грамадскі парадак» (арт. 342 КК РБ), «Знявагу прадстаўніка ўлады» (арт. 369), «Удзел у масавых беспарадках» (ч. 2 арт. 293), «Гвалт у дачыненні міліцыянта» (арт. 364), «Знявагу Лукашэнкі» (арт. 368), «Распальванне варожасці» (арт. 130) і іншых, што ўжываюць у палітычных рэпрэсіях. Наўрад ці будуць вызваленыя шмат палітвязняў.


Спіс артыкулаў, пры якіх нельга замяняць пазбаўленне волі на больш мяккае пакаранне ў выглядзе абмежавання волі ва ўстанове адкрытага тыпу («хімія») і вызваляць ад іншых мераў крымінальнай адказнасці:
Такім чынам, напрыклад, хворы на анкалогію палітвязень Рыгор Кастусёў або палітвязень Павел Кучынскі з ракам чацвёртай стадыі не трапляюць пад амністыю, бо іхныя артыкулы ёсць у спісе выключэнняў.
Аляксандр Лукашэнка раней заклікаў «падысці да пытання амністыі нетрадыцыйна» і «больш уважліва паглядзець на жанчын і дзяцей, на жанчын з дзецьмі, іншыя катэгорыі асуджаных», праверыць, «ці адпавядаюць прызначаныя меры пакарання цяжару злачынстваў і той небяспецы, што ўяўляюць гэтыя людзі для грамадства», і гэтак далей. Спісе выключэнняў гаворыць аб тым, што ўсё гэта не датычылася палітычных апанентаў.
Ланцуг салідарнасці ў Вільні (Фота: Белсат)

Лукашэнка паабяцаў вызваліць цяжкахворых. Хто з палітвязняў уваходзіць у гэтую катэгорыю?

навіны
Падчас выступу ў Палацы Рэспублікі ўвечары 2 чэрвеня Лукашэнка анансаваў вызваленне некаторых цяжкахворых праціўнікаў рэжыму: «Не здзіўляйцеся, калі праз некалькі дзён на волю выйдуць вельмі цяжкахворыя, як пішуць, нашыя, якія не паспелі збегчы і застаюцца ў месцах не такіх аддаленых, якія ламалі і разбуралі краіну ў 2020 годзе. Але гэта сапраўды цяжкахворыя. У асноўным, з ракавымі захворваннямі». Аднак, паводле падпісанага ім закону «Аб амністыі», акурат такіх ён не адпусціць. Але можа памілаваць асобным указам.
Алесь Наваборскі belsat.eu
больш па гэтай тэме Глядзіце больш
апошнія
Item 1 of 10