Якія гарады збіраюцца захапіць?
Расейскія войскі спрабуюць правесці паспяховыя наступальныя дзеянні на Ліманскім кірунку. Пра гэта ў эфіры ранішняй «Студыі Белсат» 2 чэрвеня заявіў кіраўнік вайсковай адміністрацыі Данецкай вобласці Украіны Паўло Кірыленка.
Паводле яго, мэтай атакаў з’яўляецца захоп Святагорскай лаўры для далейшага авалодання Славянскам і Краматорскам.
Таксама расейскія войскі спрабуюць захапіць трасу Бахмут – Лісічанск, каб нарэшце за 1,5 месяцы баёў выйсці на адміністратыўную мяжу Луганскай вобласці, прасунуцца ў кірунку Бахмуту і затым злучыцца з войскамі, што будуць наступаць на Славянск і Краматорск.
,,«Таксама не забываем Аўдзееўскі кірунак. Надзвычай складаны. У Аўдзееўцы вораг. Аўдзееўка заўсёды была гарачай кропкай», – адзначыў Паўло Кірыленка.
Пры гэтым, паводле яго, украінскія сілы «мужна і прафесіянальна» стрымліваюць ворага, які не можа прасунуцца на аўдзееўскім кірунку. Але ў горадзе не засталося дамоў, якія б ні былі разбураныя або пашкоджаныя за час поўнамаштабнай вайны. Таксама расейскія войскі працягваюць знішчаюць аб’екты інфраструктуры, не лічачы ахвяраў сярод мірнага насельніцтва.
Макар Мыш belsat.eu
