Параненых журналістаў даставілі ў шпіталь.
Два журналісты інфармацыйнага агенцтва «Reuters», фатограф Аляксандр Ермачэнка і аператар Павел Клімаў, ехалі аўтамабілем расейскіх сепаратыстаў у Севераданецк. Кіроўцу таксама далі сепаратысты, паведамляе «Reuters».
На ўчастку дарогі паміж Севераданецкам і Рубежным аўтамабіль трапіў пад абстрэл.
Кіроўца, асобу якога пакуль не высветлілі, загінуў. Параненых журналістаў даставілі ў шпіталь у Рубежнае. У Ермачэнкі – аскепкавае раненне, у Клімава – пералом рукі.
Расейскія і ўкраінскія бакі сітуацыю пакуль не пракаментавалі.
Алена Рувіна belsat.eu
