З 14 чэрвеня Расея здымае ўсе каронавірусныя абмежаванні
З 14 чэрвеня Расея здымае ўсе каронавірусныя абмежаванні на ўезд для замежнікаў, якія прыбываюць паветраным і марскім транспартам. Пра гэта піша ТАСС.
Турысты, якія прыбываюць у Расею паветраным і марскім шляхам, з 14 чэрвеня не мусяць здаваць тэксты на каронавірус.
Акрамя таго, аператыўны штаб па барацьбе з каронавіруснай інфекцыяй пастанавіў аднавіць чыгуначныя зносіны па маршрутах Ташкент – Самара і Ташкент – Валгаград. На гэтых цягніках таксама здымаюць усе абмежаванні на ўезд у Расею для грамадзянаў Узбекістану.
Мікалай Каткоў belsat.eu
