Інфляцыя не спыняецца.
Паводле падлікаў Белстату, у траўні, у параўнанні з сёлетнім красавіком, спажывецкія цэны ў краіне выраслі на 0,7 %. Пры гэтым у параўнанні з леташнім траўнем цэны выраслі на 17 %.
З пачатку гэтага года спажывецкія цэны ў Беларусі павялічыліся на 11,9 %. Белстат таксама паведамляе, што інфляцыя запавольваецца. У прыватнасці за травень цэны ў нашай краіне выраслі на 0,7 %. Але пры гэтым за каляндарны год інфляцыя склала 17 %.
У сёлетнім красавіку гадавая інфляцыя была на ўзроўні 16,8 %.
Найбольш за год у Беларусі падаражэлі харчы – 19,3 %, неспажывецкія тавары сталі даражэйшымі на 18,7 %, цэны на паслугі выраслі на 10,8 %.
Улады краіны запланавалі інфляцыю паводле вынікаў 2022 года на ўзроўні 6 %.
Алена Аляксандрава belsat.eu
