Лунінецкі райвыканкам плануе паставіць помнік трускаўкам. Мясцовых жыхароў просяць узяць удзел у галасаванні за адзін з двух прапанаваных праектаў скульптуры.
Помнік паставяць у Дварцы Лунінецкага раёну. Яго мэта – падкрэсліць значэнне трускавак і ягаднай тэмы ў рэгіёне і дапоўніць культурна-турыстычнае асяроддзе. Скульптура мае гарманічна ўпісвацца ў ландшафт мясцовасці і прыцягваць увагу турыстаў ды мясцовых жыхароў.
,,«Трускаўкі – улюбёны сімвал лета і смак дзяцінства шмат каго з беларусаў, таму прапаноўваем вам падтрымаць нашую ініцыятыву і ўзяць удзел у конкурсе эскізаў будучага помніку ў Дварцы», – заклікае Лунінецкі райвыканкам.
На выбар прапанаваныя два варыянты помніку – можна выбраць адзін з іх ці даслаць уласны.
Лунінецкі раён вядомы як самы «трускаўкавы» ўва ўсёй Беларусі – тут вырошчваюць найбольш гэтых ягадаў і прадаюць потым па ўсёй краіне.
Марыя Міхалевіч belsat.eu
