Амерыканскі генерал Бэн Годжэс падзяліўся меркаваннем адносна развіцця вайны ва Украіне.
Амерыканскі генерал Бэн Годжэс падзяліўся меркаваннем адносна развіцця вайны ва Украіне. Камандуючы сіламі ЗША ў Еўропе лічыць, што расейцы паступова страчваюць свой наступальны патэнцыял. Аб гэтым ён распавёў у інтэрв’ю Youtube-каналу Таццяны Паповай «Хронікі вайны».
Генерал-лейтэнант ЗША адзначыў, што расейскія жаўнеры знясіленыя, таксама іх войскі маюць праблемы з лагістыкай. Адпаведна вайсковец мяркуе, што расейцы страцілі наступальны патэнцыял.
,,«Нягледзячы на праблемы, у расейцаў усё яшчэ ёсць перавага ў артылерыі. За гэтую перавагу даводзіцца плаціць вялікую цану. Аднак, на маю думку, гэта іх апошні наступальны рывок. Яны не маюць больш магчымасці працягваць ісці наперад. Іх жаўнеры знясіленыя, іх лагістыка парушаецца», – сказаў Годжэс.
На яго думку, да канца жніўня расейскія збройныя сілы няздольныя будуць ні да чаго, апроч артылерыйскіх абстрэлаў. Вайсковец адзначыў, што кульмінацыя атак Расеі прыпадзе на жнівень, а ЗСУ пяройдуць да контрнаступлення ў верасні.
Раман Лугоўскі belsat.eu
