#МАГІЛЁЎ
«Магілёўхімвалакно» пасля ўрагану ў ноч на 10 ліпеня прабудзе без электрычнасці яшчэ мінімум тыдзень. Пра гэта распавёў міністр энергетыкі Дзяніс Мароз. Чыноўнік паведаміў пра наступствы непагадзі, якая трымалася з 9 да 11 ліпеня ды прывяла да масавых адключэнняў электраэнергіі ў мностве населеных пунктаў Магілёўшчыны.
Начальнік калоніі № 15 у Магілёве Аляксей Лазарэнка сыходзіць на пенсію, дасягнуўшы ўзросту 50 гадоў, паведамляе «Наша Ніва». Ён вядомы тым, што здзекаваўся з палітвязняў, у тым ліку ўжываў да іх фізічны гвалт.
У Магілёўскай абласной бібліятэцы праходзіць выстава да Дня Расеі ў кабінеце «русского мира». Пра гэта піша партал фонду «Русский мир».
У Чэрыкаўскім і Краснапольскім раёнах 27 траўня распачаліся вайсковыя зборы сілаў тэрытарыяльнай абароны. 200 мужчынаў былі выкліканыя для праходжання вайсковай падрыхтоўкі, у тым ліку тыя, якія ніколі не служылі ў арміі: на зборах яны складуць воінскую прысягу, піша мясцовы інфармацыйны партал.
З дзецьмі трэба гаварыць, а не пад прымусам паказваць, як іх караюць перад усім светам. Гэтак псіхолаг Ала Марціновіч пракаментавала пакаранне групы падлеткаў, якія паказвалі нецэнзурныя жэсты падчас салюту 9 траўня. Яна расказала «Белсату», як працаваць з дзецьмі, каб штурхаць іх да лепшага.
