У Менскім раёне затрымалі групу мігрантаў з Індыі, якія нелегальна былі ў Беларусі і планавалі трапіць у Латвію. Пра гэта паведамляе прэс-служба МУС.
Затрымлівалі мігрантаў АМАП і супрацоўнікі абласнога ўпраўлення грамадзянства і міграцыі.
Як паведамілі ў прэс-службе МУС, у прыватным доме ў Калодзішчах каля Менску, які належыць грамадзянцы Беларусі, жылі 40 замежнікаў. У Беларусь яны трапілі з Расеі наземным транспартам, беларускіх візаў не мелі. Збіраліся ў Латвію.
Трэба адзначыць, што цяпер латвійская мяжа найменш абароненая ў параўнанні з іншымі межамі Еўразвязу, якія суседнічаюць з Беларуссю. Гэтак, Польшча пабудавала плот яшчэ ў 2022 годзе, а Літва цяпер працягвае будоўлю. Латвія пакуль ж не пабудавала памежнай агароджы.
«Нелегалы прыцягнуты да адміністратыўнай адказнасці, прынятыя рашэнні аб прымусовым выправаджэнні іх з краіны. Затрыманыя для высвятлення асобы 14 чалавек, якія не мелі дакументаў. Трывае высвятляецца арганізатар каналу незаконнай міграцыі», – гаворыцца ў паведамленні МУС.
У ліпені міліцыя ўжо затрымлівала ў Калодзішчах чатыры групы замежнікаў: 32 чалавекі з Афганістану, Індыі і Бангладэшу. Яны таксама прыбылі з Расеі і не мелі беларускіх візаў. Далей мігранты збіраліся нелегальна трапіць у Польшчу.
Алена Рувіна belsat.eu
