У сераду ў Кіеве прайшлі міжурадавыя кансультацыі паміж Польшчай і Украінай. У сустрэчы бралі ўдзел Уладзімір Зяленскі, Матэвуш Маравецкі і Яраслаў Качыньскі. «Гэта гістарычны момант», – падвёў вынікі перамоваў прэзідэнт Украіны ў Facebook.
Пасля перамоваў прэм’ер-міністр і віцэ-прэмʼер Польшчы выступілі на сумеснай прэс-канферэнцыі з прэмʼер-міністрам Украіны Дзянісам Шмыгалем. Кіраўнік ўкраінскага ўрада паведаміў аб падпісанні васьмі дакументаў у такіх сферах: энергетыка, ваеннай і абароннай, памежне і мытнае супрацоўніцтва, экалагічная палітыка, рэгіянальная палітыка, аднаўленне Украіны і супрацоўніцтва ў галіне нацыянальнай памяці.
,,«Украіна сёння змагаецца за аднаўленне міру тут, але таксама за аднаўленне міру і бяспекі ва ўсёй Еўропе; мы ўсе сёння жывем у цені варварскага нападу Расеі», – адзначыў на перамовах Маравецкі.
Гэта першая сустрэча ўрадаў абедзвюх краін у такім фармаце.
,,«Гэта гістарычныя і надзвычай прадуктыўныя размовы. Я цаню беспрэцэдэнтную падтрымку Украіны з боку Польшчы. Адносіны паміж нашымі краінамі перайшлі на новы этап. Мы дзякуем палякам за ўсё і верым у нашу вялікую сумесную будучыню», – заявіў па выніках перамоваў Зяленскі.
,,«Украіна і Польшча ўмацоўваюць партнёрства. Я з вялікай радасцю вітаю ў Кіеве нашых сапраўдных сяброў: Матэвуша Маравецкага і польскую ўрадавую дэлегацыю», – напісаў прэм’ер-міністр Украіны Дзяніс Шмыгаль у Twitter.
Апроч таго прэм’ер-міністр Польшчы Матэвуш Маравецкі прыняў удзел у адкрыцці кантэйнернага гарадка для жыхароў Барадзянкі пад Кіевам, якія страцілі свае дамы ў выніку расейскага ўварвання. Быў урачыста адчынены цэнтр, які разлічаны прыкладна на 350 чалавек. Ён быў пабудаваны Польскім бокам.
Раман Лугоўскі belsat.eu
