Паводле рашэння суду ў Кішэнэве кіраўніца (башкан) прарасейскага рэгіёну Гагаузія Яўгенія Гуцул арыштаваная на 20 содняў. Яна ўжо звярнулася да Уладзіміра Пуціна.
Як паведамляе Gagauzinfo.MD, Яўгенія Гуцул не прызнае сябе вінаватай у крымінальнай справе.
Кіраўніца Гагаузіі была затрыманая супрацоўнікамі Нацыянальнага цэнтру барацьбы з карупцыяй пры спробе вылецець у Турэччыну. Першапачаткова яе змясцілі пад арышт на трое содняў.
На наступны дзень у Камраце, сталіцы Гагаузія, прайшла дазволеная ўладамі акцыя пратэсту і недазволенае ўладамі шэсце. А сама башкан напісала са следчага ізалятара лісты прэзідэнту Расеі Уладзіміру Пуціну і прэзідэнту Турцыі Рэджэпу Таіпу Эрдагану.
У Малдове Гуцул, якая ўзначальвае Гагаузію менш як два гады, падазраюць у махлярстве з выбарчымі фондамі, незаконным фінансаванні электаральных канкурэнтаў і фальсіфікацыі дакументаў, звязаных з выбарамі 2023 года. Сама яна неаднаразова наведвала Расею для сустрэчы з Пуціным. З 2024 года палітык знаходзіцца пад санкцыямі ЗША і Еўразвязу за прасоўванне расейскага ўплыву і спробы разбурыць канстытуцыйны лад Малдовы.
Якуб Хруст belsat.eu
