Час заканчэння вайны цалкам залежыць ад становішча на полі бою
Генеральны сакратар NATO Енс Столтэнберг падзяліўся меркаваннем, як скончыцца вайна ва Украіне. Ён заявіў, што вайна абавязкова скончыцца за сталом перамоваў, паведамляе «Уніан».
Паводле слоў генсека NATO, час заканчэння вайны цалкам залежыць ад становішча на полі бою.
,,«Войны непрадказальныя, але мы змаглі прадказаць тое, што адбываецца цяпер. Усе войны сканчаюцца ў пэўны момант за сталом перамоваў. І гэтая вайна скончыцца за сталом перамоваў. Гэта цалкам залежыць ад становішча на полі бою. Мы падтрымліваем Украіну. Я ўпэўнены, што палітычнае кіраўніцтва Украіны прымае цяжкія і сур’ёзныя рашэнні падчас перамоваў і адносна таго, на што пагадзіцца, калі адбудуцца гэтыя перамовы», – заявіў Столтэнберг.
Нагадаем, прэс-сакратар прэзідэнта РФ Дзмітрый Пяскоў заявіў, што сустрэча прэзідэнта Украіны Уладзіміра Зяленскага і Пуціна магчымая толькі для фіналізацыі «нейкага дакументу». Прэзідэнт ЗША Джо Байдэн падкрэсліў, што перамоўны працэс паміж Украінай і Расеяй спыніўся не па ініцыятыве Кіева, але таму, што Расея працягвае весці вайну і спрабуе ўзяць пад кантроль вялікую частку Украіны.
Раман Лугоўскі belsat.eu
